Jubiläum 10 Johr

D'Jolä und de Céd hei ihres 10 Johr Jubiläum gfiiret (Danke für Wissä, Whiskey und Champagner!)

De Céd het dezue es Lied gschriebä (Melody: Lou Reed - Walk on the Wild Side):

Dr Céd isch 2007 in d‘Gugge cho
als Pirat hem mir damals mängi bierli gno
d Stückli hed er noni kennt
isch im adler aber ufm Tisch ihpennt

Cö seid: hey Céd, gang doch mol go pfusse
oh hey Céd, du chasch doch nid so viel wysse suffe

Die 2. Fasnacht isch scho bald cho
als Punk heds im Céd dr ärmel ihne gno
do hed er denkt als rechte punk
bruchts e echte iro suchd wärsch jo chrank

Gugge seid:
Hey Céd knutsch doch no biz mit dr Livia,
oh hey Céd, de knutscht z Lieschdel hinter dr Cafeteria

Dr 3. Fasnacht und jetzt goht rund
als Topa sin mr ganz schön bunt
Stundelanges federe chlebe
Damit mit sie denn die erschd Tüüre nid überlebe

Chnulleris säge, hey Céd, wieso bisch du kei chleine
Oh hey Céd, mit dim federschmuck gseht uns keine

Bi dr 4. Fasnachts wirds ganz hell
mit LED lämpli isch s Liecht ganz grell
churzerhand s handglenk broche
z‘Schwäbisch ohni z‘spiele mitgloffe

d’Chantal seid: hey Céd, cha me di füetere
oh hey Céd, cha me di biz bemuetere

Mit 40 kriegt me scho langsam runzle
drum sin mr als Römer zrugg uf unsi wurzle
Zum laufe sin mr leider zfuuul
Drum fahre mr lieber das isch cool

Dr Fabse seid: Hey Céd, i wött di jo nid schocke,
Oh hey Céd, wie wärs wenn du negschd Joohr würdsch in vorstand hocke

Wenns neume chalt isch heds au bald mol Schnee
Mit unsem Koschdüm hem mr das au gseh
Bim esse hesch a dim Büüsi kaut
Wie viel Hoor hed me wohl drbi verdraut

Dr Rolli seid: Hey Céd, nimm doch mini Chuchi,
Oh hey Céd, d Fasnacht isch gued gsi aber jetzt muesi…. go

Als Wikinger a dr 7. Fasnacht
Schweri Helm und drinke was Spass macht
Nach Rüdesheim ufd Guggereis
Im Gfängnis esse das isch kei scheiss

Dr Fabse seit: hey Céd, unsi Tussis hei 2 whyy loh stoh,
Oh hey Céd, die 2 cha me doch nid eifach do elleini loh

Eigene Kostümvorschlag und de chuent gued
Als Space Cowboy hed me viel muet
Z Ehredinge ihr wüsseds no
vo luuter drinke simr chum uf d Bühni cho

Dr Urbi seid, hey Céd, ab jetzt wird uf Guggereise nur no gsoffe
Oh hey Céd, es wird nie meh über koschdümvorschläg gsproche

9. Fasnacht als Zirkusaffe
Trotz viel Rege gids gnueg zum lache
Wieder uf Schwäbisch, diesmol chrank
Cho is trotzdem gued, im Schnaps zum Dank

Dr Lorris seid, hey Céd chum nimm no es Aperöölii
Oh hey Céd, chum mir drinke eins uf dis Wöhli

Das sind jetzt 9 Fasnachte gsi
Und das wird jetzt mini 10. si
Dass es luschdig wird ha ich kei Angscht
Das isch euch geile Chnulleris zum Dank!

Drum froog ich jetzt: hei Chnulleris, sölli no biz bi euch bliebe?
Oh hey Chnulleris, lömmer nomol Party stiege?